ليندا بيطار تنتقد انقطاع الكهرباء: وشو حلو العتم بالحجر الصحي!

ليندا بيطار تحتج على انقطاع الكهرباء في منطقة الوادي بريف حمص

سناك سوري – متابعات

انتقدت المطربة السورية “ليندا بيطار” عبر صفحتها الشخصية “فيسبوك” واقع الكهرباء في منطقة “الوادي” بريف حمص، وطالبت الجهات المعنية بعدم تقديم الحجج المتعلقة بنقص الحمولة، والأعطال خاصة أن المنطقة لا تشهد ضغط سكاني.

وكتبت بيطار «كيف منطقة متل الوادي سياحية واقع الكهرباء فيها مقرف..لاتقلولي كهربة الوادي فيها مشكلة مابتتحمل..نحنا مو أغبياء ..أولا بالشتوية مافيها ضغط سكاني.. ثانيا إذا حدا من سياداتكون حب يزور المنطقة وقتها كمان الكهرباء مافيها مشكلة».

اقرأ أيضاً: سوريون ينتقدون انقطاع الكهرباء في مناطقهم 10 ساعات متواصلة

وتساءلت “بيطار” في منشورها، لماذا إجابات المسؤولين عن وضع الكهرباء دائماً هي الحجج والأعطال، في الوقت الذي لا يشعر به السكان بوقت الأعطال من غيرها لأن الكهرباء شبه مقطوعة دائماً، وكتبت «وقت يسألوا المسؤول بأحد الإذاعات بيرد بصوتو الوازن اللي بيعبي مركزو كان في عطل واتداركناه.. طبعا نحنا مامنعرف أيام اللي في عطل من غيرو.. لأن كل الأيام عتم عتم.. وشو حلو العتم بالحجر الصحي».

متابعو “بيطار” أيدو رأيها، وبدأوا بنشر حالة الكهرباء في مناطقهم، وكتبت “زينة” «وضعكون بالوادي متل أهالي صافيتا يعني المفروض تجي ساعتين خلال هالساعتين بتنقطع شي ألف مرة».

يذكر أن وضع الكهرباء تراجع مع أول أيام شهر رمضان المبارك 2020، وشهدت معظم المحافظات والقرى زيادة في عدد ساعات التقنين وتطبيق خطة  3 ساعات قطع مقابل 3 تغذية، بينما ازدادت ساعات التقنين في بعض القرى إلى 4 ساعات قطع مقابل 2 تغذية.

اقرأ أيضاً: نجم ذا فويس “يائيل القاسم” في ديو غنائي مع الفنانة “ليندا بيطار”