أخر الأخبارالرئيسيةمعلومات ومنوعاتيوميات مواطن

الجرب… ليس عاراً ولا علاقه له بقلة النظافة

أهم النصائح فيما يخص مرض الجرب يجيب عليها طبيب جلدية مختص

– اي دكتور شو طلع معي؟ ما عم نام من الحكة
– هي عدوى
-عدوى شو؟
– عدوى جرب
-شووووو جرب، منين اجاني، والله يا دكتور كل يوم عم اتحمم ومعتني بنظافتي من أحسن ما يكون!.

سناك سوري – غدير برهوم

هاد الحوار بينعاد عشرات المرات كل يوم بالعيادات الجلدية، والحقيقة انو الجرب مرض. والمرض لا عيب ولا حرام، وفكرة ارتباط الجرب بنظافة الإنسان هيي فكرة خاطئة. لأنّ الجميع يمكن أن يُصاب به حتى المهووسين بالنظافة.

ينتقل الجرب من خلال التماس الصميمي مع المصاب أو لباسه أو أغطيته أو فراشه (القارمة الجربية ما بتنط ولا بتقفز ولا بتنتقل بالسعال أو بالهواء أو بالطعام أو الشراب). لذلك في حال عرفت انو أحدهم مصاب بالجرب مافي داعي تركد أو تهرب منو أو تبعد عنو، أو حتى تمتنع عن مصافحتو لأنّ الجرب لا ينتقل بالمصافحة، بيكفي بإنك ما تستخدم تيابو ولا تنام بفرشتو.

طيب والحل يا دكتور؟

-هاد الدوا بتطبقو على كل الي ساكنين معك بالبيت
– بس ما فيهن شي،ماعم يحكو ولا عم يشكو من أي شي.

اقرأ أيضاً: هل تريدين حلاً لمشكلة الكلف؟ إذاً تجنبي العلاجات الخاطئة

لما ما ترضى تعالج كل البيت وتطبق تعليمات الطبيب بدقة، فإنتَ حتماً مارح تطيب. يلي رح يصير بكل بساطة انو أسرتك ممكن كتير تكون مصابة بالجرب ولكن لسا ما ظهرت أي أعراض. أنت بتشفى من هون وزوجتك أو أولادك بيعدوك من هون وهكذا. منفوت بحلقة مفرغة إلها أول ما إلها آخر، لهيك بتبلش بالعلاج انت وكلشي ساكن معك تحت سقف واحد وإلا العلاج مالو أي طعمة.

بما انو الطفيلي المسبب للجرب بيعيش على الملابس، فمن الضروري انك تغلي التياب. وتشمس كل أغطية البيت برا لمدة يومين. وهيي فترة كافية لحتى يموت الطفيلي، وإذا كان الجو شتوية بيكفي انك تعزل البطانيات بمكان مغلق وما تستخدمن.

اقرأ أيضاً: دكتور طفلي متحسس وعندو حكة شو بعمل؟ علاج مجاني 

زر الذهاب إلى الأعلى