دكتور طفلي متحسس وعندو حكة شو بعمل؟ علاج مجاني

“دكتور ابني متحسس، دكتور جلدي عم ينفر عليي، دكتور عم يطلعلي حبوب حمر، دكتور عم حك بعد الحمام”، كل هي الشكايات.عم تجي بشكل يومي للعيادات الجلدية، أغلبها سببه كتير بسيط وقابل للحل،بدون كريمات أو مراهم أو أدوية، يعني باختصار. كما يحب المواطن السوري أن يعالج في مثل هذه الأيام، انطلاقا من ظروفه الاقتصادية.

سناك سوري – استشارات طبية

أغلبنا بيتحمم بصابون أو شامبو بيشتريه من السوق وممكن يحمل اسم طبي أو صحي أو مناسب لجميع أنواع البشرة، وما بيكون بيعرف. انها كلها مواد كيميائية غير مناسبة للجلد في كثير من الأحيان، لهيك لا تضل زابل صابون الزيت.يلي انت مفكرو “سيء و كخة وما بيسوى”، بالعكس يا أصدقائي هذا الصابون دواء وحل حقيقي لكثير من حالات الحكة. والتحسس يلي عم تراجع العيادات الجلدية، لأنو هاد الصابون كتير غني بالزيوت الطبيعية المفيدة للبشرة.موقع سناك سوري.

في حال ما كان صابون الزيت بالمتناول، اشتروا صابون الغار أو صابون حليب، وخصوصاً انتِ يا مدام، كتير مفيد لبشرتك وبيعطي رائحة كتير محببة. وكمان استخدموه مع أولادكم الصغار، ومشان ما يقدر البائع يضحك عليكم بإنو هي صابونة غار، فيك/ي وقت ترجع/ي عالبيت. تحط/ي الصابون بالمي وراقب/يها، لأنو صابونة الغار الأصلية رح تعوم لأنها غنية بالزيوت الطبيعية، على عكس. المغشوشة يلي عالأغلب رح تغرق ونصير بالقاع.موقع سناك سوري.

كمان في نصيحة كتير مهمة لازم تنتبهوا عليها، سواء كنتوا آباء أو أمهات التنين مسؤولين عن الرعاية بالبيت. بإنو الكل يلبس تياب داخلية قطن أبيض حصراً، لأن غير القطن رح يعمل تحسس وحكة ومشاكل نحنا بغنى عنها، لهيك ضبي كلشي عندك تياب داخلية. داخلها شي غير القطن وسفريها على أقرب حاوية، واشتري بدالن تياب داخلية قطن أبيض حصراً، لأن رح تحطي أضعاف. حقهن أدوية ومراهم ومعاينات، يعني حتى لو دفع الواحد مبلغ إضافي فهو رح يوفر من حيث لا يدري.(موقع سناك سوري)

أعد المحتوى الدكتور “غدير برهوم” – موقع سناك سوري

اقرأ أيضاً: طفح الحفاض.. المشكلة التي تواجه الأطفال لها حلول