أعاني من فطور الأظافر.. ماهو الحل؟

فطور الأظافر، تُعتبر مشكلة حقيقية منتشرة بكثرة،.وخصوصاً عند ستات البيوت، يلي نمط حياة البعض منهن بيفرض عليهن الجلي والغسيل وإعداد الطعام، طول النهار تقريباً (يسلم ايديهن)،. هاد الشي عم يوفر بيئة رطبة، والرطوبة متل ما منعرف هي الأرض الخصبة لكل أنواع الفطور.

سناك سوري – استشارات طبية 

كيف بدي أعرف انو عندي فطور بالأظافر؟ غالباً إذا كنتِ أو كنت عم تتعامل/ي مع الرطوبة. بشكل مستمر فلازم نحط ببالنا بإنو صرنا مؤهلين للإصابة، الأعراض كتيرة ومتنوعة، يمكن أكترها اللون الأصفر يلي منشوفو بالظفر، أو ممكن يكون تغير بلون الظفر إلى لون آخر “مو شرط الأصفر”، ممكن يصير في ثخانة بالظفر أو حتى انفصال بنهايتة ، كل هي الأشياء مهمة، لكن الأهم إنكم تراجعو طبيب جلدية، لأنو هو الوحيد المخول بالتشخيص والعلاج “مو جارتكن ولا الصيدلي. ولا بنت عمة ستكن، ولا حتى عمو غوغل”.موقع سناك سوري.

بما انو اتفقنا بإنكم رح تروحو لعند الطبيب، فلازم تلتزمو بالتعليمات، فطور الأظافر صعبة العلاج. ولا يوجد ضمانات بالشفاء، السبب بإنو الظفر موجود بمنطقة كتير بعيدة وكتير طرفية، وهاد بيخلي وصول الدوا إلو صعب، يعني متل ضيعة بآخر الدني وبدنا نمدلا كهربا ومي.

غالباً الطبيب ما بيكتفي بالكريم أو المرهم، بل بيوصف مضاد فطري فموي. “حبوب أو كبسولات”، وتُوصف لفترات طويلة ممكن ستة أشهر ممكن سنة، ممكن سنة ونصف، حسب تقييم الطبيب للحالة، ومن المهم نلتزم بهي المدة بشكل دقيق، وما نترك الدوا حتى لو تحسنت الإصابة أو ما تحسنت، ولازم أعرف انو الدوا لحالو لا يكفي أبدا، إذ يجب الابتعاد عن الرطوبة قدر الإمكان، والالتزام بتجفيف المنطقة بشكل كامل، ومشان الستات فيكن تستعملو كفوف مبطنة بقطن أثناء تحضير الطعام وأثناء الجلي، دمتم بخير وصحة وسلامة.موقع سناك سوري.

أعد المحتوى الدكتور “غدير برهوم” – موقع سناك سوري

اقرأ أيضاً: دكتور طفلي متحسس وعندو حكة شو بعمل؟ علاج مجاني