الرئيسيةمعلومات ومنوعات

ما هو فقر الدم بعوز الحديد وكيف نتجنّبه؟

فقر الدم بعوز الحديد ممكن نشوفو حالياً بكل الأعمار نتيجة الظروف المعيشية السيئة

شو هوي فقر الدم بعوز الحديد؟ هو أشيع أنواع فقر الدم، يكثر عند الشابات بسبب الدورة الشهرية، وعند المسنين. ولكن بسبب الظروف الحالية السيئة صار ممكن نشوفو عند جميع الأعمار، خاصة الشباب (يبدو كابوس الفقر يلاحق السوريين حتى للدم).

سناك سوري-استشارات طبية

نقص الحديد ممكن يعمل كتير مشاكل، متل تساقط الشعر ومشاكل بالأظافر، وأعراضه تتمثل بالنعاس والتعب والشحوب والخفقان والدوار.

هل ممكن نوقي حالنا؟ بكتير من الحالات هاد ممكن (بس مو بكل الحالات)، وهوي من خلال الغذاء المتنوع والمتوازن. وأكثر شي موجود بالمنتجات الحيوانية (آسفين بس هيك المراجع بتقول)، وبتبقى المصادر النباتية مفيدة مثل الخضار الورقية والعدس وغيرها من الحبوب.

طبعاً علاج عوز الحديد بيكون من خلال مركبات الحديد الفموية أو على شكل حقن، وهاد الشي بيحددو الطبيب. وعادةً ما يوصى انو يضل المريض أو المريضة يتناولوا المكملات الغذائية لمدة ثلاثة أشهر بعد عودة الخضاب إلى وضعه الطبيعي، وذلك من أجل ملء مخازن الحديد بالجسم.

مو دايماً علاج فقر الدم بعوز الحديد بيكون من خلال المكملات الغذائية أو حبوب الفيتامين. لأن ممكن يكون في سبب مستبطن مثل الأورام أو بعض الأدوية أو الديدان، الطفيليات، أدواء الأمعاء الالتهابية. الإنتانات وغيرها كتير من الأسباب، يلي بدها استشارة طبية.

أعد المحتوى الدكتور “غدير برهوم” – موقع سناك سوري
اقرأ أيضاً: نقص فيتامين ب 12 أحد أسباب فقر الدم

المقالات المنشورة لا تعبّر بالضرورة عن رأي الموقع

زر الذهاب إلى الأعلى