الرئيسيةمعلومات ومنوعات

6 نصائح للحفاظ على نضارة البشرة

ينصح بتخصيص وقت للتأمل والاسترخاء ومو ضروري بالمالديف.. عالبرندة بيمشي الحال

بشرتكم هي واجهتك على العالم، لهيك بتطلب عناية وبتستحق منكم بعض الاهتمام، ومشان بالمستقبل ما تحتاجوا ميزو او بلازما او غيرها من الإجراءات باهظة الثمن. من المهم الحفاظ على نضارة البشرة من خلال عدة خطوات.

سناك سوري-استشارات طبية

أول وأهم نصيحة بخصوص نضارة البشرة هيي واقي الشمس، وإذا ما بدكن تلتزموا فيه. مافي داعي تعملوا  بلازما او ميزو أو حتى تكفوا بقية النصائح.

الشمس أهم عامل بشيخوخة البشرة وبتساهم بظهور البقع والتصبغات و التجعيدات بشكل أسرع، لا مو بس هيك، حيث يعتبر التعرض المزمن لأشعة الشمس السبب الأشيع لسرطانات الجلد.

واقي الشمس يُطبق كل ساعتين، كما أن واقي الشمس ما بيغني عن الطاقية أو القبعة والملابس ذات الأكمام الطويلة. على الأقل عند المشي في الشارع خلال وقت الشمس.

مقالات ذات صلة

ثاني نصيحة، هي أن يكون الحمام سريع قدر الأمكان، ويكون التنشيف خفيف “طبطبة”، من أجل الحفاظ على رطوبة البشرة، ما يمنحها النضارة والحيوية.

ثالث نصيحة، من الأفضل أن يتم تطبيق المطريات بعد الحمام، هيك منحصل على فائدة مضاعفة. لأنّ المطريات تحبس الماء العالق على البشرة، وبالتالي ترطيب أطول.

رابع نصيحة، ما تستخدمي الصوابين الصناعية الموجودة بالسوق لأن ممكن تعمل تهيج بالبشرة وتحسس. لذا من الأفضل استخدام صابون الزيت أو صابون الغار، لاحتوائه على نسب عالية من الزيوت النباتية.

خامس نصيحة، ما توثقي بأي علاجات شعبية أو طب بديل أو طب عربي أو أي عبوة مو مكتوب عليها المكونات. أو مرفقة بنشرة بتوضح طبيعة المكونات المستخدمة فيها، لأنها ممكن تعملك مشاكل تضطري تدفعي عليها الملايين لترجع بشرتك متل ما كانت.

اقرأ أيضاً: الطب العربي.. مآسي حقيقية في المجتمع السوري

سادس نصيحة، ما تطبقي اي كريم أو مستحضر جلدي بدون وصفة طبيب جلدية، حتى لو كان صيدلاني أو طبيب عام، على سبيل المثال يوجد مستحضرات دوائية قد تسبب ندب إذا تم استعمالها على الوجه، لذلك لا تخاطري ببشرتك.

بشرتك هيي مو بس صورتكن أمام العالم، هيي مرآة لصحتكن الجسدية والنفسية، لهيك يُنصح بتخصيص أوقات للتأمل والاسترخاء مرة في الأسبوع عالاقل. مو شرط بالمالديف، على برندة بيتكن بتحصلوا على نفس النتيجة، مع التأكيد على أهمية أخذ قسط كافي من النوم.

أعد المحتوى الدكتور “غدير برهوم” – موقع سناك سوري
اقرأ أيضاً: الثعلبة.. علاجات شعبية كارثية

المقالات المنشورة لا تعبّر بالضرورة عن رأي الموقع

زر الذهاب إلى الأعلى