سيدة تتوجه بالشكر لشرطي مرور في دمشق.. وتروي قصتها
العجلاني: متل مو شاطرين بالنقد لازم نحكي عن التصرفات الحلوة
سناك سوري – دمشق
توجهت سيدة سورية بالشكر لشرطي مرور في “دمشق” بعد أن قدم لها مساعدة تتعلق بسيارة كانت تقودها، معتبرةً أنه كما اعتاد البعض على النقد فيجب في ذات الوقت ذكر المواقف الإيجابية والمبادرات الإنسانية للعاملين في سلك الشرطة.
“باريا العجلاني” كتبت في “فيسبوك” قائلةً: «اليوم رح احكي قصة صارت معي شخصياً .. متل ما نحن شاطرين بالنقد لازم إذا واجهنا تصرف حلو نحكي عنو ونشكر أصحابه».
اقرأ أيضاً: شرطي سوري يشاهد أفلام كرتون مع طفلين ضائعين يثير جدلاً
وأضافت «اليوم ع الساعة 7 المسا جاية بسيارتي من طريق المزة باتجاه دوار مشفى الشامي، شفت سيارتي طلع مؤشر الحرارة .. صفيت ع اليمين واجا لعندي شرطي المرور اللي واقف ع الدوار مع دراجته وسألني عن السبب.. قلي طلعي ع السيارة مدام وافتحي غطى المحرك وأنا بتصرف».
وتابعت “العجلاني” «بقي أكتر من نص ساعة يبرد السيارة حتى فتحها والكل بيعرف درجة الغليان ممكن تأثر عليه بس الحمد الله ما صابو شي .. برد السيارة وحطلها مي وصارت منيحة.. حاولت إني إكرمه بس رفض .. وقلي: انت مدام مرتبة وأنا رجال معقول خليكي تشتغلي هالشي؟ ومستحيل آخذ ثمن اللي عملته».
واختتمت السيدة “العجلاني” منشورها بتوجيه الشكر للشرطي، قائلةً: «إنسان محترم وأخلاقه عالية .. بتشكرو كتير ، وبتشكر أمثاله».
يأتي ذلك بعد أن انتشرت أمس الأحد، صورة لشرطي سوري وهو يحضر أفلام كرتون مع طفلين ضائعين في مركز الشرطة بمنطقة “المرجة” في “دمشق” الأمر الذي أثار جدلاً بين مؤيد للموقف الإنساني والمعاملة الجيدة للشرطي وكونه يخفف من خوف الطفلين إلى أن قدم الأب للمركز واستلمهما، وبين منتقد للموقف عبر مواقع التواصل.
اقرأ أيضاً: بالتعاون مع شرطي مرور سائق تكسي يعيد مبلغاً من المال لصاحبه
