تولين البكري تكشف عن تنازلات قدمتها في الوسط الفني
البكري: صديقتي بعد عشرة عمر بتاخد زوجي!
سناك سوري – متابعات
وصفت الفنانة “تولين البكري” بعض زملائها الفنانين في الوسط الفني، بأنهم أشخاص عديمي الأصل، ولا يستحقون ما وصلوا إليه، بحسب تعبيرها.
“تولين البكري” أوضحت في منشور لها عبر “فيسبوك” بأنها قدمت الكثير لزملائها لكنها لم تلق منهم سوى الجحود والنكران، قائلةً: «قلة الأصل ليش عم نغذيها بعلاقاتنا الإنسانية.. يعني في ناس بتاكل وبتشرب وبتنام معون على مدار سنين طويلة وبالأخير فجأة الطرف الأول بيحمل سطل مي وبيكب عالأرض كل هالعشرة».
اقرأ أيضاً: تولين البكري: أنا كريمة لدرجة الهبل .. مسلمة وبروح ع الكنيسة
وكشفت عن التنازلات التي تقدمها في الوسط الفني، وقالت: «أنا ممثلة بيطلب مني مخرج ما أني وقف معو بعمل ما أو ببداياتو وأنا بكل محبة بوقف معو وبتنازل عن أجري المادي واسمي بالشارة ومابحط أي شروط»، مؤكدةً «بعمل هيك فقط لكون كفوة وبالأخير هالمخرج بينسا أو بيتناسا بعد ما ينشهر إني يوماً ما كنت أصيلة معو».
على الصعيد الشخصي، قالت: «كـ زوج أو حبيب بخلصلك وبخدمك من قلبي لسنين طويلة وبس تصير بني آدم تاني بتجيب نفس السطل يا سطل وبتكب مي على هالعشرة وبتروح لعند غيري»، مضيفةً «صديقتي.. أو صديقي…اللي بكون فاتحتلا بيتي وخزانتي وحياتي وبعد عشرة عمر بتحكي عليي أو بتاخد جوزي!».
وختمت منشورها: «الكفن مالو جيوب وكل هالمعارك “الغير شريفة” اللي عملتا وأنت عايش مارح تستفيد منها بعد مماتك إلا بعملك.. وسمعتك.. ليش لتعيش قليل أصل».
وسبق أن انضمت الفنانة “تولين البكري”، إلى زميلاتها وزملائها من الفنانين الذين سبق أن عبروا عن امتعاضهم من الظروف المعيشية السيئة التي تمر بها البلاد حاليا، وكتبت في منشور عبر “فيسبوك”: «الوضع صاير أكتر من مقرف يارب الفرج أو الموت بشوية كرامة.. قبل الذل».
اقرأ أيضاً: تولين البكري: أنا كريمة لدرجة الهبل .. مسلمة وبروح ع الكنيسة
