![](https://snacksyrian.com/wp-content/uploads/2022/04/لورا-أبو-وديع.jpg)
في حادثة طريفة، تعطلت سيارة الشاعرة ومعدة البرامج اللبنانية “لوركا سبيتي” أمام منزل الفنان السوري “جورج وسوف” في لبنان أمس، فكيف تعامل معها “أبو وديع”؟.
سناك سوري – متابعات
ونشرت “سبيتي” على صفحتها في فيسبوك قصتها مع “الوسوف”:«اليوم صار معي شي غريب، تعطلت سيارتي وما كانت تدور ..وبدك افهم عليها..وانا بمنطقة غريبة بالنسبة الي نسبيا.. بطلع حولي بلاقي حالي تحت بناية مرتبة وفي تحت شباب لابسين أسود كأنن حراس لحدا..قرب الشب حكاني وخبرتو القصة..جبنا مصلح وما مشي الحال وانا معي غالية بالسيارة».
القضية لا تنتهي هنا فالبناء هذا لمن!! تقول “سبيكي” وفق مارصد سناك سوري:«قال (في إشارة للشباب اللابسين أسود) أبو وديع شافكن بالكاميرا وبيقول تفضلو لفوق…انا:مين ابو وديع؟ جورج وسوف؟».
تتابع “سبيكي” وسعادتها غامرة:«وبلا طول سيرة أطيب فنجان قهوة مع أطيب وأكرم أبو وديع شربت اليوم وحديث يطول جرى بيناتنا ..أهديته كتابي الشعري اللي كان معي كمان بالصدفة…. والبلاطة(رافعة سطحة) الي طلبها الوسوف نقلتلي السيارة عند المصلح».
وختمت «يعني بكل لبنان اختارت سيارتي توقف تحت بيتو..وما في شي بيصير من دون سبب عل اكيد».
اقرأ أيضاً: مسيرتي.. سلسلة أفلام تروي قصة حياة الفنان جورج وسوف