الرئيسيةمعلومات ومنوعات

آلام الدورة الشهرية: أهم النصائح لتخفيفها والحد منها

شو سبب آلام الدورة الشهرية وأيمت لازم نبلش ناخد الأدوية؟

تنتج آلام الدورة الشهرية غالباً عن اضطراب الهرمونات، وخاصةً زيادة هرمون البروستاغلاندين. يلي هوي راس البلا، بيعمل تقلصات بأسفل البطن، وممكن ينتقل للظهر.

سناك سوري-استشارات طبية

لذلك كل أدوية تخفيف آلام الدورة الشهرية، بتكون عبارة عن مضادات البروستاغلاندين، يلي موجود بكتير أماكن بالجسم، وخاصةً بالمعدة. وبيأمن حماية للغشاء المخاطي للمعدة، وبالتالي أحد أهم الآثار الجانبية لهي الأدوية، هيي قرحة المعدة.

أهم نصيحة حول أدوية تخفيف آلام الدورة الشهرية، يلي هيي إنو نبدأ قبل ٤٨ ساعة من بداية الآلام، بالنسبة للنساء يلي عندن دورات منتظمة. على مبدأ تعشي فيه قبل ما يتغدا فيكي، لأن للأسف الشديد وقت يبلش هاد الألم بيصير تأثير الدوا أقل.

اقرأ أيضاً: كيف نخفف من التغيّرات المزاجية خلال الدورة الشهرية؟

في عادات أهم من الأدوية بكتير، على سبيل المثال ممارسة الرياضة بكافة انواعها، والابتعاد عن مصادر التوتر والضغط النفسي. والإقلاع عن التدخين السلبي و الإيجابي والالكتروني و الاركيلة.. وكل أشكاله وأنواعه وألوانه.

كمان لازم الابتعاد عن المشروبات الكحولية والغنية بالكافيين، والاستعاضة عنها بالزهورات مثل القرفة والزعتر، وكمان العسل والفريز (آخر تنين ثقافة عامة).

أعد المحتوى الدكتور “غدير برهوم” – موقع سناك سوري
اقرأ أيضاً: أهم الأسئلة الشائعة حول المينوكسيديل أحد أهم أدوية علاج تساقط الشعر
اقرأ أيضاً: بعيداً عن طقوس باب الحارة.. معلومات عن الدورة الشهرية يجب إخبارها لابنتك

زر الذهاب إلى الأعلى