شركة نقل سياحية تطلب من صحفي أن يشتكي و”يخ….”!

كراجات البولمان في دير الزور - صورة تعبيرية

الصحفي “حازم عوض” يروي ما حدث معه أمس الجمعة في دمشق

سناك سوري-دمشق

روى الصحفي “حازم عوض”، ما جرى معه يوم أمس الجمعة، حين رفض سائق الرحلة “السياحية” من “دمشق” إلى “طرطوس”، أن يسمح له بتحميل الغاز (غاز سفاري) على متن البولمان، بأسلوب فظ، استمر هو ذاته حتى خلال التعامل مع إدارة الشركة، كما ذكر “عوض”.

وبدأ الصحفي منشوره حول الأمر عبر صفحته الشخصية في فيسبوك، بعنوان «هل تعلم وزارة السياحة ومحافظة دمشق!! انه لو “خريت….” ما بيطلع من أمر الصحافة شي؟»، ويتابع: «عبالك تنبسط وتغير جو، بدك تعمل سياحة داخلية، لا.. نحن لك بالمرصاد ومننزع مراءك منشان تضل تتذكر أنه أصغر واحد بهالبلد لما يصحله يقدر يحكي من مكان مسؤول رح يدعس على أي شخص تاني».

شركة واحدة فقط هي “ياللي بتاخدك وبتجيبك” على “طرطوس”، يقول “عوض”، ويضيف: «وللأسف، اليوم شفت معاملة من بعض الموظفين لا ترقى لمستوى شركة، الواضح من بعض القائمين على رحلة الجمعة الساعة 8:30 وعلى بعض موظفي فرع الشركة بالكراجات، متعودين عالشتم والسب ومعاملة شحن البشر كأرقام، كل كلمة، الرد المباشر: مشكلتك مو مشكلتي».

اقرأ أيضاً: شركة نقل تمنع شاباً من الجلوس بجانب سيدة.. وحجتها: لا يجوز!

وتحدث عن إشكال تحميل الغاز في البولمان، ليرفض السائق الأمر بأسلوب سيء، كذلك إدارته، يضيف: «صار في مشاحنة، تجمعوا عليي وصار الحديث بإهانات، هون وقفت المعني عن أسلوب العياط والفوقية وقلتله: هيك عم تتعامل بمرحلة دولتك فيها بدها ياك تكون واجهة الها، لك بركي في مغتربين بالرحلة بركي في سياح! لك بركي في بني آدمين عاديين.. هالأسلوب غلط وأنا متفاجئ أنه كلكن عم تحكوا بذات الأسلوب».

وتابع: «جواب مسؤول الفرع حرفياً لما عرف أنا صحفي: روح “خري…..” اذا بيطلع معك شي، ولا تجيني بقصة الدولة وسياحة وهالقصص “الخ…..”، انصدمت وانفلتت بالعياط أنه معقول هيك!، لك حتى حل ماعندن وين يروح الغاز؟؟ ليش ما تشحنولي يا!! محل اللي رايح عليه بدي غاز شو اعمل!».

يذكر أن اصطحاب الغاز خلال الرحلات السياحية في الوقت الراهن، يعتبر من أهم أولويات نجاح أي “رحلة ترفيهية” داخل البلاد، في ظل شح المادة وعدم توافرها، هذا من جهة، ومن جهة ثانية وبما يخص طريقة التعاطي مع الزبائن، ومدى أهمية الإعلام ودوره كرقيب، (فالمسؤولين والسياحة أدرى).

اقرأ أيضاً: النقابة ترّفه منتسبيها.. أجرة 4 أيام عالبحر أعلى من راتب مهندس!

المقالات المنشورة لا تعبّر بالضرورة عن رأي الموقع