علاج سواد المناطق الحساسة.. خيارات عديدة والأهم تخفيف الوزن
أما أفضل طريقة للتعامل مع الموضوع إنو نتقبل أجسامنا كما هي
يوجد عدة خيارات فيما يخص علاج سواد المناطق الحساسة، مثل الفخذين الداخليين ومنطقة المهبل. التي تعتبر مشكلة كتير شائعة بسبب عوامل مختلفة. بما في ذلك زيادة إنتاج الميلانين، والاختلالات الهرمونية، والاحتكاك، وبعض الالتهابات.
سناك سوري-استشارات طبية
هناك العديد من خيارات علاج سواد المناطق الحساسة، بما في ذلك العلاجات الطبية، وكريمات تفتيح البشرة الموضعية، والعلاجات المنزلية.
ولكن لو بتحطوا كريمات الكون كله لسنوات ما رح تستفيدوا. الا بشروط. اول شي تخفيف الوزن، لأن الوزن الزائد رح يضل يعمل احتكاك بين الفخذين. وهاد مارح يروح باي نوع من المعالجة، لأنه ردة فعل طبيعة للجسم. ممكن التخفيف منها بإنو نلبس ملابس داخلية قطن مية بالمية بدون أي نايلون أو بوليستر ولازم يكون طويل. ليمنع احتكاك الفخذين مع بعضهم.
بعدها ممكن نعطي فرصة لاستخدام الصوابين أو الكريمات المفتحة. مرة يومياً ومنترك الرغوة لعدة دقايق بعدين منغسلا ومنطبق اللوشن المفتح (وفي كتير طرق طبعاً).
الأهم من هيك لازم نعرف انو النتائج مانا كتير واعدة، لسبب كتير بسيط، وهوي طبيعة هي المنطقة نسيجياً حيث تحتوي على عدد أكبر من الخلايا الميلانينية. وتاني شي وجودها التشريحي بمنطقة احتكاك دائم، وقرب فوهات الجسم يلي بيخليها على تماس مباشر مع سوائل ومفرزات الجسم المختلفة. كل هدول بيخلو الموضوع جداً صعب مع كل العلاجات، وكل فوائدها نسبية، لذلك يبقى العلاج الأفضل انه نحاول نتقبل أجسادنا كما هي قدر الإمكان، ونحب حالنا متل ما نحنا.
