الرئيسيةمعلومات ومنوعات

أهم النصائح لتخفيف آلام الدورة الشهرية

شو سبب آلام الدورة الشهرية وأيمت لازم نبلش ناخد الأدوية؟

تنتج آلام الدورة الشهرية غالباً عن اضطراب الهرمونات، وخاصةً زيادة هرمون البروستاغلاندين. يلي هوي راس البلا، بيعمل تقلصات بأسفل البطن، وممكن ينتقل للظهر.

سناك سوري-استشارات طبية

لذلك كل أدوية تخفيف آلام الدورة الشهرية، بتكون عبارة عن مضادات البروستاغلاندين، يلي موجود بكتير أماكن بالجسم، وخاصةً بالمعدة. وبيأمن حماية للغشاء المخاطي للمعدة، وبالتالي أحد أهم الآثار الجانبية لهي الأدوية، هيي قرحة المعدة.

أهم نصيحة حول أدوية تخفيف آلام الدورة الشهرية، هيي إنو نبدأ قبل ٤٨ ساعة من بداية الآلام، بالنسبة للنساء يلي عندن دورات منتظمة. على مبدأ تعشي فيه قبل ما يتغدا فيكي، لأن للأسف الشديد وقت يبلش هاد الألم بيصير تأثير الدوا أقل.

في عادات أهم من الأدوية بكتير، متل ممارسة الرياضة بكافة انواعها، والابتعاد عن مصادر التوتر والضغط النفسي. والإقلاع عن التدخين السلبي و الإيجابي والالكتروني و الاركيلة.. وكل أشكاله وأنواعه وألوانه.

مقالات ذات صلة

كمان لازم الابتعاد عن المشروبات الكحولية والغنية بالكافيين، والاستعاضة عنها بالزهورات مثل القرفة والزعتر، وكمان العسل والفريز (آخر تنين ثقافة عامة).

أعد المحتوى الدكتور “غدير برهوم” – موقع سناك سوري
اقرأ أيضاً: أهم الأسئلة الشائعة حول المينوكسيديل أحد أهم أدوية علاج تساقط الشعر

المقالات المنشورة لا تعبّر بالضرورة عن رأي الموقع

زر الذهاب إلى الأعلى