الرئيسيةمعلومات ومنوعاتيوميات مواطن

4 أخطاء شائعة حول حب الشباب قد تؤدي لنتائج كارثية

عانيتوا من حب الشباب؟ خبرونا كيف تخلصتوا منو؟

يمكن اكتر مرض منتشر على مستوى العالم هوي حب الشباب، ورغم كل انتشارو، بيضل في عدم دراية بهالموضوع عند كتير من الناس، رغم انتشار التكنولوجيا يلي ممكن نستطيع من خلالها نحصل على معلومات طبية موثوقة لكيفية التعامل مع هالمشكلة.

سناك سوري-استشارات طبية

المشكلة الأكبر إنو عدم الدراية بهالمرض، ممكن ينتج عنها لدى البعض ممارسات خاطئة تؤدي إلى الكثير من المشاكل الجمالية التي قد لا يستطيع الطبيب علاجها.

أكثر فكرة خاطئة منتشرة حول حب الشباب، هوي “بيروح لحالو”، أو لا تروحي لعند الدكتور بس بياخد منك مصاري عالفاضي، كتير عبارات منسمعها بحياتنا اليومية، الحقيقة أن حب الشباب يبدأ “بحبة صغيرة” تسمى الزؤانة، هي الزيوانة بالعامية رح تتعبى وتكبر، وتصير عقيدات وممكن كيسات مؤلمة كلها قيح، لهيك يفضل نعالجها من البداية، من لما تكون زيوانة صغيرة، وهاد الشي أفضل لجيبة المريض و المريضة، والتأخير بالعلاج هوي بيصير اكتر كلفة على المريض أو المريضة، لأن رح تترك مكانها ندبة أو فرط تصبغ.

مقالات ذات صلة

اقرأ أيضاً: دليلكم لاختيار أفضل واقي من الشمس خلال الصيف

فكرة خاطئة تانية انو حب الشباب ما بيصير غير عند الشباب، والحقيقة انه يحدث أكثر في فترة الشباب، ولكن لا يقتصر ظهوره عند الشباب، يعني ممكن تكون سيدة عمرها أربعين سنة، ويكون حب الشباب طلعلا لأول مرة بحياتها، عادي جداً من وجهة نظر العلم، مع انو ممكن يتعرض الطبيب للتكذيب من قبل جارة المريضة أو حماتا.

الفكرة التالتة الغلط هيي إنو حب الشباب خفيف عند الإناث وشديد عند الذكور، وهي فكرة كتير شائعة عند الناس والأسباب مجهولة، جميع المراجع في طب الجلد تؤكد على عدم وجود أي قدرة على التنبؤ بشدة المرض من خلال جنس المريض، يعني ممكن يكون شديد عند البنت وممكن يكون خفيف، وعند الذكر نفس الحكاية، الموضوع ما دخلو بالجنس أبداً (الي بدو احلفلو أنا جاهز).

الفكرة الرابعة، هيي انو حب الشباب يصيب فقط الوجه، هون بترجع المريضة على بيتها بتلاقي جارتا ناطرتا، طمنيني شو خبرك الدكتور عن الحبوب يلي بضهرك؟، بتجاوبها المريضة: حب شباب، هون الجارة بتصفن وبترجع عالمراجع، وبتقول شو هالدكتور هاد، حب الشباب بس بالوجه. الحقيقة انو حب الشباب بيصير تقريباً كل مناطق الجسم، ممكن يعني يكون بالذراع أو اليد او الظهر أو الصدر أو الفخذ أو حتى بالمؤخرة عادي ما تستغربو (مو غريب الا الشيطان).

أعد المحتوى الدكتور “غدير برهوم” – موقع سناك سوري

اقرأ أيضاً: هل تريدين حلاً لمشكلة الكلف؟ إذاً تجنبي العلاجات الخاطئة

المقالات المنشورة لا تعبّر بالضرورة عن رأي الموقع

زر الذهاب إلى الأعلى