الرئيسيةمعلومات ومنوعات

لا داعي لقص الشعر.. كيف نتعامل مع الطفل المصاب بقمل الرأس؟

القمل مالو علاقة بالنظافة وهيك بيتم العلاج

يعتبر قمل الرأس شائعاً جداً عند الأطفال الصغار وعائلاتهم خاصة في سن المدرسة. ومالو أي علاقة بالشعر المتسخ أو النظافة، وتحدث العدوى فيه عن طريق ملامسة الرأس المصاب.

سناك سوري-استشارات طبية

قمل الرأس عبارة عن حشرات صغيرة يصل طولها إلى 3 مم، يعني متل حبة السمسم، لهيك ممكن كتير ما تشوفا أو تنتبه عليها.

ممكن الشخص ينصاب بقمل الرأس، ولكن ما تبدأ الحكة لبعد ٤ بـ٦ أسابيع، الحكة في أغلب الحالات قوية جدا. وبيكون في آثار لتخريش على فروة الرأس، وهاد شي بينخاف منو يعمل التهابات جرثومية، خاصةً عند الأطفال.

طفيلي القمل نادراً نشوفوا، بأغلب الحالات منشوف البيوض التي تكون متصلة بالشعر بقوة.

ممكن نشوف شحوب على وجه المصاب، نتيجة انو القمل يتغذى على دم المريض.

علاج القمل كتير بسيط، بيكون بأحد مركبات البيرمترين ٪1، متوفر بأشكال عدة منها اللوشن أو الكريم. حيث يوضع على الشعر ويفرك بفرشاة الأسنان، ثم يُترك لمدة سبع دقائق، ثم نغسل الشعر بالماء، ونقوم بالتمشيط.

يُكرر العلاج ثلاث مرات بفاصل يومين، ومن غير المفضل نقص الشعر خاصة عند الفتيات، لأن هالشي رح يأثر نفسياً عليهنّ.

في حال إصابة الطفل بقمل الرأس، هاد ما بيعني نمنعو يروح عالمدرسة، بيكفي نتأكد انو ما عم يقرب راسو من رأس زميلو، لأن القمل لا يقفز من رأس إلى راس.

أعد المحتوى الدكتور “غدير برهوم” – موقع سناك سوري
اقرأ أيضاً: الكوليرا.. خطر جديد يواجه السوريين كيف نَتجنبهُ؟

المقالات المنشورة لا تعبّر بالضرورة عن رأي الموقع

زر الذهاب إلى الأعلى